/ ی.ن.ک
پەیامی پیرۆزبایی جێگری سەرۆکی هەرێم لە ڕۆژی جیهانی خاوەن پێداویستیی تایبەتدا
2025-12-03
لە ڕۆژی جیهانی خاوەن پێداویستیی تایبەتدا، پیرۆزباییەکی گەرم ئاراستەی خوشک و برایانی خاوەن پێداویستیی تایبەت و گشت ڕێکخراوەکان لە هەرێمی کوردستان و عێراق بە تایبەتی و جیهان بە گشتی دەکەم و هیوای سەرکەوتنیان بۆ دەخوازم.
عێراق یەکێکە لەو وڵاتانەی کە زۆرترین خاوەن پێداویستیی تایبەتی هەیە لە جیهاندا، هەروەها لە هەرێمی کوردستانیش ژمارەیەکی بەرچاو هەیە، خاوەن پێداویستیی تایبەت شایستەی بایەخ و گرنگیپێدانی زیاترن، بۆیە پاڵپشتی و باشترکردنی ژیانیان ئەرکە لەسەر شانی حکوومەتی هەرێمی کوردستان.
هیوادارم هەوڵ بۆ ڕەخساندنی دەرفەتی زیاتر و بەشداریکردنی کەسانی خاوەن پێداویستیی تایبەت لە پڕۆسەکانی بڕیاردان، دەستەبەرکردنی مافەکانیان و یەکسانیی لە بواری خوێندن و کارکردندا، بدرێت.
شێخ جەعفەر شێخ مستەفا
جێگری سەرۆکی هەرێمی کوردستان
٢٠٢٥/١٢/٣