بەوپەڕی نیگەرانییەوە و بە توندترین شێوە ئیدانەی ئەو هێرشە لەرزۆک و تیرۆریستییەی سه‌ر كێڵگه‌ى گازى كۆرمۆر دەکەم، بۆ هەموو لایەکمان ڕوونە کە ئامانج لەم کردەوانەدا تێکدانی ئاسایش و سەقامگیریی و لاوازکردنی ژێرخانی ئابووریی هەرێمی کوردستان بەتایبەت و عێراق بە گشتیە.
لێرەدا بە ئەرکی سەرشانی لایەنە پەیوەندیدارەکان لە دامودەزگا ئەمنییەکانی حکومەتیی عێراقی فیدراڵ و هەرێمی دەزانم، کەوا شکۆ و سەروەری خاک و نیشتیمان بۆ هەموو لایەک بپارێزن و ڕێگربن لە دووبارەبوونەوەی ئەم جۆرە هێرش و کردەوە تیکدەرانەدا.
داواکارم لە هێزەکانی هاوپەیمانان کەوا سیستەمی بەرگری بۆ ئەم جۆرە هێرشە تیرۆریستیانە دابین بکەن و بەزووترین کاتیش لایەنە ئەمنییەکانی تایبەت بەم پرسە تاوانباران دەستگیر بکەن و ڕووبەڕووی دادگایان بکەنەوە.
شێخ جەعفەر شێخ مستەفا
جێگری سەرۆکی هەرێمی کوردستان
27ی تەشرینی دووەمی 2025