پرسەنامەیەک لە جێگری سەرۆکی هەرێمی کوردستانەوە

بەڕێزان خانەوادە و کەسوکاری کۆچکردوو خاتوو نەرمین قادر

بە داخ و پەژارەیەکی زۆرەوە هەواڵی کۆچی دوایی هونەرمەند و کەسایەتی دیاری بواری دراما و شانۆی کوردی خاتوو (نەرمین قادر)م پێگەیشت، لە ناخەوە نیگەران و خەفەتبار بووم.

بەم بۆنە خەمناکەوە پرسە و سەرەخۆشی خۆم ئاراستەی خانەوادە و بنەماڵە بەڕێزەکەتان و گشت هونەرمەندانی کوردستان دەکەم، داواکارم لە یەزدانی مەزن بە میهرەبانی و بەزەیی خۆی گیانی پاکی خاتوو نەرمین بە بەهەشتی بەرین شاد بکات، ئارامی و دڵنەواییش بە خانەوادە و کەسوکار و ئازیزانی ببەخشێ.

شێخ جەعفەر شێخ مستەفا
جێگری سەرۆکی هەرێمی کوردستان
٢٠٢٥/٨/٦