ئەمڕۆ دووشەممە ٢٠٢٤/١٠/١٤ بەڕێز شێخ جەعفەر شێخ مستەفا، جێگری سەرۆکی هەرێمی کوردستان،پێشوازی لە بەڕێز ئەرمان تۆپچو، کونسوڵی گشتیی تورکیا لە هەرێمی کوردستان و شاندێکی یاوەری کرد.
لە کۆبوونەوەکەدا، هەردوولا جەختیان لە پەرەپێدان و بەردەوامیی پەیوەندییەکانی نێوان تورکیا و هەرێمی کوردستان لەسەر بنەمای بەرژەوەندی هاوبەش کردەوە، هەروەها تیشکیان خستە سەر دوایین پێشهاتە سیاسیی و ئەمنیەکانی ناوچەکە بە گشتیی و چەند پرسێکی تری جێی بایەخی هاوبەش.